मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

अथ
श्रीमृगेन्द्रतन्त्रे ।
श्रीभट्टनारायणकण्ठविरचितवृत्त्युपेते ।
योगपादे ।
( प्रथमः पटलः )
प्रभवति यतः सर्वज्ञत्वं यतोऽखिलकर्तृत्ता
प्रसरति तथा कार्ये चासौ परा प्रतिभा यतः ।
निरुपधि परं शान्तं धाम स्मरामि तदीशितुः
स्वयमपि विभोर्वागीश्वर्या गिरां यदगोचरः ॥
अथेदानीं योगपादः प्रारभ्यते । तत्र तावत्
‘अक्षात्मवितताद्बन्धात्परसं१ख्यानिरोधकात् ।
दीक्षैव मोचयत्यूर्ध्वं शैवं धाम नयत्यपि ॥’
इति श्रुतेर्दीक्षाया एव निरतिशयकैवल्यावा-
प्तिहेतुत्वात् तस्याश्च सर्वस्या एव पशुपाशेश्व-
रस्वरूपनिरूपणोपायभूतेन समस्ताध्वव्याप्ति-
प्रदर्शकेन मन्त्रमन्त्रेश्वरादिमाहात्म्यनिश्चायकेन
ज्ञानेन विना निष्पादयितुमशक्यत्वात् तद्व-
१ ‘संख्या’ क. ।