मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

श्रीमद्भट्टनारायणकण्ठविरचितवृत्त्युपेते । ३३९
त्यक्त्वाप्तगम्यविषयं
यया ज्ञानं ददात्यणोः ॥१६८॥
सा विद्या स्थानमप्यस्या
विद्येशश्च तदीश्वरः ।
आप्तविषयं शब्दविषयं गम्यविषयं चा-
नुमेयं ज्ञानं त्यक्त्वा पारिशेष्यात् साक्षात्कृता-
शेषपदार्थजातज्ञानं यया शक्त्या अणोरात्मनः
परमेश्वरोऽभिव्यनक्ति सा शक्तिर्विद्याख्या,
तच्च भुवनं विद्याख्यं, तदीश्वरश्च विद्याधि-
पाख्यया बोद्धव्यः ॥
सर्वदुःखप्रशमनं
ययास्य कुरुते हरः ॥१६९॥
सा शान्तिस्तत्पदं चेति
तत्कुर्वन् सोऽपि शान्तिमान् ।
निखिलदुःखप्रशमनं ययाऽस्यात्मनः शिव-
नाथः करोति सा तदीया शान्तिः शक्तिः, तच्च
स्थानं शान्त्याख्यं, तच्च कुर्वन् सोऽपीश्वरः शा-
न्तिमानुच्यते ॥