मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

२९०. मृगेन्द्रतन्त्रे । [ ११।३
चक्रवाटाधःस्थितेषूक्तेषु त्रिषु पर्वसु सि-
द्धादीनामास्पदं, या तु चक्रवाटाख्या ऊर्ध्वमे-
खला तस्यामष्टसु शृङ्गेषु पुर्योऽष्टौ समवस्थिताः ॥
प्राच्यादिष्विन्द्रमुख्यानां
नामतस्तान्निबोधत ॥ ४६ ॥
स्पष्टः श्लोकः ॥ ४६ ॥
नानारत्नप्रभाजाल-
मण्डलालङ्कृता हरेः ।
सिद्धसाध्यमरुज्जुष्टा
रुक्मभूरमरावती ॥ ४७ ॥
विविधरत्नकान्तिकलापपरिवेषभूषिता सि-
द्धादिसेविता हेमभूतला प्राच्यामिन्द्रस्यामरा-
वत्याख्या पुरी ॥ ४७ ॥
रक्तपीतमणिप्राय-
हेमप्राकारगोपुरा ।
वह्नेस्तेजोवती वह्नि-
तुल्यभूतनिषेविता ॥ ४८ ॥