मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

२८८ मृगेन्द्रतन्त्रे । [ ११।३
तदूनमुन्नतो लक्षं
मूले षोडश विस्तृतः ।
स मेरुर्भूमेरन्तः षोडश योजनसहस्राणि प्र-
विष्टः, महीतलादारभ्य ऊर्ध्वं यावत् चतुरशी-
तिसहस्रोन्नतिः, मूले च षोडशसहस्रविस्तारः ।
ऊर्ध्वतोऽस्य शरावाकृतिविस्ताराधिक्येन द्वैगु-
ण्यं । उक्तं च श्रीमत्स्वतन्त्रे
'षोडशैव सहस्राणि ऊर्ध्वभागे प्ररोपितः ।
तान्यस्य मूले विस्तारस्तदूर्ध्वं द्विगुणस्तु सः ॥
स शरावाकृतिर्देवि मेरुर्देवाश्रयोऽद्रिराट् ।' (१०।१२३)
इति ॥
त्रिषु पादान्तरेष्वस्य
चतुर्वृद्धेषु पर्वसु ॥ ४३ ॥
नेमयः कटकाकारा
निर्गता दीप्तिमत्तराः ।
एका दशसहस्रा तु
मनुसाहस्रिकी परा ॥ ४४ ॥
नेमिर्या मस्तकोपान्ते
लोकपालसमाश्रया ।