मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

१८४ मृगेन्द्रतन्त्रे । [ ११८
त्वात्, सत्यप्रकृति कर्म धर्मरूपमनृतप्रकृति
अधर्मात्मकं, स्वापे च सर्वभूतसंहारकाले
विपाकं परिणाममभितः समन्तादेति । सृष्टा-
विति सृष्टिसमनन्तरमेवास्य यथास्वं भोगः
प्रवर्तते, अन्ते च संहारे मायायां संस्काररूप-
तया वर्तते । नचाभुक्तं तद्विनश्यति ॥ ५ ॥
उपसंहारमाह
इति मायादिकालान्त-
प्रवर्तकमनादिमत् ।
कर्म व्यञ्जकमप्येत-
द्रोधि सद्यन्न मुक्तये ॥ ६ ॥
इत्थंप्रतिपादितस्वरूपमेतत्कर्म मायादिका-
लाद्यन्ताध्ववर्तिदेहेन्द्रियार्थप्रवर्तकमित्यत्रैवास्य
प्रभविष्णुता मायोर्ध्वं प्रशमनात् । तच्चैतद्यद्यपि
व्यापारजन्यं, तथापि प्रवाहनित्यत्वादादिमत्त्वं
नास्योपपद्यत इति चर्चितप्रायम् । किंच एत-
त्कर्म शुभस्वरूपत्वात् पुण्यव्यञ्जकमपि सत्
रोधि रोधकं संसारकारणमित्यर्थः । कुत इत्याह
'सद्यन्न मुक्तये' यस्मात्पुण्यात्मकमपि कर्म