मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

१७६ मृगेन्द्रतन्त्रे । [ १।७
गत्वान्महेशतया सर्वकर्तृत्वाच्च । यत्र यत्र क-
र्तव्यं किमप्यस्ति, तत्र तत्र च तादर्थ्यमेत्यापि
तत्तत्कर्तुरधिष्ठानेन सर्वदैव सर्वं करोतीत्युक्त-
मीश्वरसिद्धौ । उदास्त इत्युदासस्तस्य भाव
औदास्यमकर्तृत्वमित्यर्थः ॥ १९ ॥
तदेवं युगपत्सर्वानुग्राहित्वं शक्तेः प्रसाध्य,
तदेव घटयन्ननुग्रहशब्दार्थमाह
धर्मिणोऽनुग्रहो नाम
यत्तद्धर्मानुवर्तनम् ।
न सोऽस्ति कस्यचिज्जातु
यः पत्या नानुवर्त्यते ॥ २० ॥
धर्मिणोऽनुग्राह्यस्य धर्माणां यदनुवर्तनं सो-
ऽनुग्राहकस्यानुग्रहः क्रमविकस्वरस्वरूपाणां प-
द्मानामिव विवस्वतः । स इति तथाविधो धर्मः
कस्यचिदपि धर्मिणो नास्ति, यः परमेश्वरेण
नानुवर्त्यते नाधिष्ठीयते तस्य सर्वव्यापकत्वात् ॥
एवं च
गताधिकारनीहार-
वीर्यस्य सत एधते ।