मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

८० मृगेन्द्रतन्त्रे । [ १।२
यथायं देवदत्तो यज्ञदत्तसकाशादभिरूपः, चै-
त्रापेक्षया तु नीरूप इति । एवं तर्हि यज्ञदत्त-
स्याश्रेष्ठत्वं चैत्रस्य च श्रेष्ठत्वमित्युभयं तत
इत्यपेक्षातः। एवं भिन्नं लब्धं यदपि द्वयं, तदा-
पेक्षिकत्वादसत्यम् । अपेक्षा हि नाम न वा-
स्तवी । तस्याः किल वस्तुनः सति सद्भावे किं
प्रयोजनं सिद्धसत्ताकत्वेनानपेक्षत्वात् । तथा
चाहुः
'संश्च सर्वो निराशंसो भावः कथमपेक्षते।'
इति । न चालब्धसत्ताके वस्तुन्यपेक्षायाः कि-
मपि करणीयमस्ति, तस्यासत्त्वादेव तदपेक्षा-
नुपपत्तेः । तदिदमुक्तम्
'अपेक्षा न सतां सिद्धेरसिद्धेरपि नासताम्।'
इति । तदेवं न कथंचिदपि सदसतोर्भेदो-
पपत्तिः ॥
अथ चेत्तदसद्भावे
सद्युक्ततरो यतः (?) ॥ १९॥
तत्कर्मसंकरभया-
द्व्यापित्वं च ते जगुः ।