मृगेन्द्र आगम: विद्या एवं योग पाद (भट्ट नारायणकण्ठ वृत्ति सहित प्राचीनतम कामिक आगम परिशिष्ट)

श्रीभट्टनारायणकण्ठविरचितवृत्त्युपेते । ७७
स्यादस्ति स्यान्नास्ति चेति यदुक्तं, तदसं-
गतम् । नहि यद्यदैव वस्तु अर्थक्रियाकारितया
सत्त्वेनावगम्यते, तत्तदानीमेवासत्त्वेनैकान्ततः
कश्चिदप्यवैति । कः किलानुद्भ्रान्तमतिः पुरः-
प्रस्फुरद्रूपे सदितिप्रत्ययकारिणि घटादौ नाय-
मस्तीति बुद्धिं कुर्यात्, असति च तस्मिन्
प्रख्योपाख्याविरहिणि सत्तां निश्चिनुयात्, वि-
धिनिषेधरूपयोर्भावाभावयोः परस्परपरिहारे-
णैवात्मलाभात् । अभावो हि तदसंभवलब्ध-
जन्मापि यदि तेनैव भावेन सहितः स्यात्त-
दानीमभाव एव न स्यात् तदुपमर्दनेनैव तस्य
स्वरूपसिद्धेः । एवं भावोऽपि यदि स्वप्रतिप-
क्षेणाभावेनाव्यतिरिक्तो भवेत्तर्हि भाव एव
न भवेत् ॥ १७ ॥
ननु घटरूपेण स्वात्मनास्ति घटः, परा-
त्मना पटरूपेण नास्तीति सदसत्त्वमुक्तम् ।
नतु तद्युक्तम् । किं किलैतावता प्रतिपादितं
स्यात् घटः पटात्मना न भवति घटे वा पटो
नास्ति । तदेतदभिमतमेव अतदात्मकत्वेन त-