मानसार शिल्पशास्त्र (प्रसन्ना कुमार आचार्य - प्राचीन भारतीय स्थापत्य, नगर-नियोजन व मूर्ति-शिल्प महाकोश)

२५६ मानसारे [अध्यायः ३५]
तले तले च वासं चेत्प्रस्तारस्योपरि न्यसेत् ।
गृह(कूट)कोष्ठादिमानानां ज(त)लस्थालिन्दमानकम् ॥ १९४ ॥ 388
महाद्वारो(रे) महाभद्रं मण्डपाकृति(तिं) विन्यसेत् ।
कुर्यात्तदुक्तयुक्त्या चोपद्वारं तु योजयेत् ॥ १९५ ॥
विविधं च यथेष्टदिग्देशे चेष्टदिग्गतभित्तिकम् ।
तले तले तु सोपानमारुह्या(रोह्या)र्थं प्रयोजयेत् ॥ १९६ ॥ 392
अन्यान्यनुक्तं(कानि) सर्वेषां शाखायुक्त्या समाचरेत् ।
एवं रवितलं वर्धमानमुक्तं पुरातनैः ॥ १९७ ॥
एवं प्रोक्तं तु शालानामायादि र्व(व)क्ष्यतेऽधुना ।
दीर्घे(दैर्घ्ये) चायं व्ययं ऋक्षं योनिः स्यात्तु विशालके ॥ १९८ ॥ 396
परिवाह(हे) तिथिवारं गृहशेषं तु पूर्ववत् ।
कुर्याद्धर्म्यविधानोक्तं चयश्चाङ्ग(ङ्गं) सर्वशः ॥ १९९ ॥
सर्वे(र्वा)शाला नासिकातोरणाद्यैः
पत्रैश्चित्रैः किम्नरीवक्त्रयुक्तम् । 400
कुर्यान्नानालङ्कृतं नैकभूमौ
श्रीसौभाग्यारोग्यभोग्यप्रदायि ॥ २०० ॥
इति मानसारे वास्तुशास्त्रे शालाविधानं नाम पञ्चत्रिंशोऽध्यायः ॥