मल्लपुराण (ज्येष्ठिमल्ल - प्राचीन भारतीय मल्लविद्या, अखाड़ा व्यायाम व कुश्ती महाग्रन्थ)

षोडशोऽध्यायः ।
गजेनैव यथा युध्येच्छृणु ते कथयाम्यहम् ।
बाह्वोः स्फालनमित्येव सुस्थानाचालनं ततः ॥ १ ॥
पादयोश्च समं स्थानं निष्ठं वाल्पताडनम् ।
कण्ठरा( रो )धो दण्डघातो हस्ताभ्यां स्कन्धधारणम् ॥ २ ॥
कराकर्षणमन्योन्यं शिरसोन्योन्यधारणम् ।
उरोधारणमुरसा प्रह ( र )णं चोरस्येव कक्षाविदारणम् ॥ ३ ॥
यो येन यथा वापि प्रविश्य स्थानकेऽपि च ।
करबले वाथ शीर्षं ततो मुहुडकेन वा ॥ ४ ॥
बाहूबलेन बलवान् बलहस्तेन वा पुनः ।
गजस्य युद्धे कथितं वृषभस्य तु कथ्यते ॥ ५ ॥
वृषभस्य वृषभेण यथा युद्धं तथा शृणु ।
बाह्वोरास्फालनं चैव समं समाग( म )मेव च ॥ ६ ॥
सतलहस्तप्रमाणं हननं बाहुना तथा ।
चरणाघर्षणं चैव बलमन्योन्यमेव च ॥ ७ ॥
स्थानके च प्रवेशं च शीर्षेण देहलेपनम् ।
पृष्ठे वाप्युदरे वापि स्थानावेज्ञानमेव च ॥ ८ ॥
अथ सिंहस्य सिंहेन युद्धं भवेद्यथा पुनः ।
उभयोश्चैव नान्योपि अमणं आमणं तथा ॥ ९ ॥
करचालनके दण्डो पञ्च वाल्लोनकं तथा ।
प्रशब्दाश्च तथैवान्ये तथा चोत्पतनं परम् ॥ १० ॥
बलाबलं च विज्ञेयं चतुःस्थानप्रवेशनम् ।
नितम्बेन कर्षणं च विज्ञानं स्थानकेन च ॥ ११ ॥