कथासरित्सागर : द्वितीय खण्ड (लम्बक ६ से १८)

१८ कथासरित्सागर
तस्मिन् विपन्ने भ्रातास्य वृषशूङ्गोऽथ सो मृतः ।
सोऽथ कन्यां कुटुम्बी तां नाम्ना चक्रे त्रिमार्किकाम् ॥८०॥
त्रयोऽनया सुलक्षणया ज्ञातया मारिता इति ।
कालेन यौवनस्थां तां पितुस्तस्मादयाचत ॥८१॥
त्रिमार्किकामाढ्यपुत्रः कश्चित्सद्ग्रामसम्भवः ।
पिता च तस्मै प्रादात्तां स यथावत्कृतोत्सवः ॥८२॥
तेन भर्त्रा सहारंस्त कालं कमपि तत्र सा।
अचिराच्च ततस्तस्याः स भर्ता पञ्चतामगात् ॥८३॥
दिवसैरेव सा चान्यं चपला पतिमग्रहीत् ।
सोऽप्यल्पेनेव कालेन विपत्तिं प्राप तत्पतिः ॥८४॥
ततः सा यौवनोन्मत्ता तृतीयं पतिमाववे ।
सोऽपि तस्या विपन्नोऽभूत्प्रविश्या पतिरन्यवत् ॥८५॥
एवं क्रमेण पतयो दश तस्या विपदिरे ।
ततो हास्येन सा नाम्ना पप्रथे दशमार्किका ॥८६॥१
अथान्यभर्तृस्वीकारात्पित्रा ह्रीतेन वारिता ।
सा वर्ज्यमाना च जनैस्तस्थौ तस्य पितुर्गृहे ॥८७॥
एकदा च विवेशात्र पान्थो भव्याकृतिर्युवा ।
एकरात्रिनिवासार्थं तत्पित्राऽनुमतोऽतिथिः ॥८८॥
तं दृष्ट्वा तद्गतमनाः साभवद्दशमार्किका ।
पान्थोऽपि तरुणीं दृष्ट्वा सोऽभूत्तदभिलाषुकः ॥८९॥
ततः सा मारमुषितत्रपा पितरमभ्यधात् ।
एकमेतमहं तात वृणोमि पथिकं पतिम् ॥९०॥
विपत्स्यते यदप्येष ग्रहीष्यामि ततो व्रतम् ।
एवं शृण्वति पान्थे तां ब्रुवतीं स पिताऽब्रवीत् ॥९१॥
मा पुत्रि लज्जा महती दश ते पतयो मृताः ।
तवेतेस्मिन्नपि मृते हसिष्यतितरां जनः ॥९२॥
तच्छ्रुत्वैव त्रपां त्यक्त्वा पथिकोऽपि जगाद सः ।
नाङ्गे प्रिये दश मृताः क्रमाद्भार्या ममापि हि ॥९३॥
समावार्ता शपाम्यत्र पादस्पर्शेन धूर्जटेः ।
इत्युक्ते तेन पान्थेन नाधिच्रीयेत तत्र कः ॥९४॥
१ अस्मादग्रे पुस्तकान्तरे 'डाकिनी भर्तृमक्षयमिति लोकोऽब्रवीच्च ताम्' इत्यर्धमर्धं
मधिकमस्ति ।