कथासरित्सागर : प्रथम खण्ड (लम्बक १ से ५)

४२८ कथासरित्सागर

गिरिशाराधनप्राप्यः पुत्रस्ते नारदोऽभ्यधात् ।
तद्देवि वरदोऽवश्यमाराध्यः स शिवोऽत्र नः ॥१४०॥
इत्युक्ता वत्सराजेन तत्कालं चागतं सा ।
देवी सम्भाव्यमेवास्तु चकार व्रतनिश्चयम् ॥१४१॥
तस्यामात्तव्रतायां तु स राजापि समन्त्रिकः ।
सराष्ट्रश्चापि विदधे शङ्कराराधनव्रतम् ॥१४२॥
त्रिरात्रोपोषितौ तौ च दम्पती स विमुस्ततः ।
प्रसादप्रकटीभूतः स्वयं स्वप्ने समादिशत् ॥१४३॥
उत्तिष्ठतं स युवयोः कामांशो जनिता सुतः ।
नाथो विद्याधराणां यो भविता मत्प्रसादतः ॥१४४॥
इति वचनमुदीर्य चन्द्रमौलौ सपदि तिरोहिततां गते प्रबुध्य ।
अधिगतवरमाशु दम्पती तौ प्रमदमकृत्रिममापतुः कृतार्थौ ॥१४५॥
उत्थाय चोषसि ततः प्रकृतीर्विधाय ।
तत्स्वप्नकीर्तनसुधारसतर्पितास्ताः ।
देवी च सा नरपतिश्च सवन्धुभृत्यौ ।
बद्धोत्सवौ विदधतुर्व्रतपारणामि ॥१४६॥
कतिपयदिबसापगमे तस्याः स्वप्ने जटाधरः पुरुषः ।
कोऽप्यथ देव्या वासवदत्तायाः फलमुपेत्य ददौ ॥१४७॥
ततः स विनिवेदितस्फुटपवित्रस्वप्नया सह
गृहं प्रमुदितस्तया समभिनन्दितो मन्त्रिभिः ।
विचिन्त्य शशिमौलिनो फलनिभं दत्तं सुतं ।
मनोरथमदूरगं गणयति स्म वत्सेश्वरः ॥१४८॥
इति महाकविश्रीसोमदेवभट्टविरचिते कथासरित्सागरे
नरवाहनदत्तजनन लम्बके प्रथमस्तरङ्गः ।

द्वितीयस्तरङ्गः
(पूर्वानुवृत्ता) वत्सराजकथा - मुखबन्धः
अथ वासवदत्ताया वत्ससहृदयोत्सवः ।
सम्बभूवाचिराद् गर्भः कामांगावतरोज्ज्वलः ॥१॥