कथासरित्सागर : प्रथम खण्ड (लम्बक १ से ५)

नरवाहनदत्तजननं नाम चतुर्थो लम्बकः
इह गुरुगिरीन्द्रजाप्रणयमन्दरान्दोलना-
त्पुरा किल कथामृतं हरमुखात्सुधेशोद्गतम् ।
प्रसह्य रसयन्ति ये विगतविघ्नलब्धर्द्धयो
धुरं दधति वैबुधीं भुवि भवप्रसादेन ते ॥
प्रथमस्तरङ्गः
उदयनराज्ञः कथा (पूर्वानुवृत्ता)
कर्णतालचलाघातसीमन्तितककुभाञ्चलः ।
पन्थानमिव सिद्धीनां दिक्षु जयति विघ्नजित् ॥१॥
ततो वत्सेश्वरो राजा स कौशाम्ब्यामवस्थितः ।
एकातपत्रां बुभुजे जितामुदयनो महीम् ॥२॥
विधाय सहमन्त्येव भारं यौगन्धरायणे ।
बिहारकरसश्चाभूद् वसन्तकसखः सुखी ॥३॥
स्वयं स वादयन् वीणां दभ्या वासवदत्तया ।
पद्मावत्या च सहितः सङ्गीतकमसचत ॥४॥
देवीकाकलिगीतस्य तद्वीणानिन्दस्य च ।
अभेदे वादनाङ्गुष्ठकम्पोऽभूद् भवसूचकः ॥५॥
हर्म्याग्रे निजकीर्त्येव ज्योत्स्नया धवले च सः ।
धाराविगलितं सीधु पपौ मदमिव द्विषाम् ॥६॥
आनिन्युः स्वर्णकलशैस्तस्य वाराङ्गना रहः ।
स्मरराज्याभिषेकाम्भ इव रागोञ्ज्वलं मधु ॥७॥
मारकतरसुरत्नस्वच्छमन्तस्फुरित मुखम् ।
उपनिन्यु र्व्योममध्य स स्वबिम्बिमिवासवम् ॥८॥
ईर्ष्याश्यामाभावमपि भङ्गुरभ्रूणि रागिणि ।
न मुग्धे वतयो राज्योस्तदृष्टिरतृप्तिमाययौ ॥९॥