कथासरित्सागर : प्रथम खण्ड (लम्बक १ से ५)

ततो ददृशतुस्तञ्च ज्वलल्लिङ्गं महत्पुरः।
तस्यान्तमीक्षितुं प्रायादेक ऊर्ध्वमथोऽपरः॥२८॥
अलभ्यन्तो सपोभिर्मां तोषयामासतुश्च तौ।
आविर्भूय मया चोक्तौ वरः कोऽप्यर्थ्यतामिति॥२९॥
तच्छ्रुत्वाब्रवीद् ब्रह्मा पुत्रो मेऽस्तु भवानिति।
अपूज्यस्तेन जातोऽसावत्यारोहेण निन्दितः॥३०॥
ततो नारायणो देवः स वरं मामयाचत।
भूयासं तव शुश्रूषापरोऽहं भगवन्निति॥३१॥
अतः शरीरीभूतोऽसौ मम जातस्त्वदात्मना।
यो हि नारायणः सा त्वं शक्तिः शक्तिमतो मम॥३२॥
किं च मे पूर्वजायात्वमित्युक्तवसि शङ्करे।
कथं ते पूर्वजायाऽहमिति बव्रे स्म पार्वती॥३३॥

पार्वत्याः पूर्वजन्मकथा

प्रत्युवाच ततो भर्गः पुरा दक्षप्रजापतेः।
देवि! त्वं च तथान्याश्च बह्व्योऽजायन्त कन्यकाः॥३४॥
स मह्यं भवतीं प्रादाद्धर्मादिभ्यो पराश्च ताः।
यज्ञे कदाचिदाहूतास्तेन जामातरोऽखिलाः॥३५॥
वर्जितस्त्वहमन्वंकस्ततोऽपृच्छ्यत स त्वया।
किं न भर्त्ता ममाहूतस्त्वया तातोच्यतामिति॥३६॥
कपालमाली भर्त्ता ते कथमाहूयतां मखे।
इत्युवाच गिरं सोऽथ त्वत्कर्ण-विष-सूचिकाम्॥३७॥
पापाद्यमस्माज्जातेन किं देहेन मयामुना।
इति कोपात्परित्यक्तं शरीरं तत्प्रिये! त्वया॥३८॥
स च दक्षमरूस्तेन मन्युना नाशितो मया।
ततो जाता हिमाद्रेस्त्वमम्बेक्ष्वङ्कुररूपा यथा॥३९॥
अथ स्मर तुषाराद्रिं तपोऽर्थेमहमागतः।
पिता त्वा च नियुङ्क्ते स्म शुश्रूषायै ममातिथेः॥४०॥
तारकान्तक-सत्पुत्र-प्राप्तये प्रहितः सुरैः।
सम्ध्याशङ्काशोऽविध्यन्मां तत्र दग्धो मनोभवः॥४१॥