कर्पूरमञ्जरी (महाकवि राजशेखर - प्राकृत सट्टक एवं सान्वय हिन्दी व्याख्या)

द्वितीयोऽङ्कः २५
( ततः प्रविशति युधिष्ठिरो भीमसेनश्च, दुर्योधनः शकुनिश्च, तयोश्च ताम्बूलकर-
ङ्कवाहिन्यौ सुनन्दा सुरेखे च । )
युधिष्ठिरः—
विवर्त्तयाक्षाञ्छकुने शारिक्रीडां प्रवर्त्तय ।
धृतराष्ट्रस्य पाण्डोश्च ममाज्ञामौलिमञ्चति ॥ १२ ॥
किं च,—
राजसूयक्रतोर्यज्वा पाण्डवेयोऽयं युधिष्ठिरः ।
आहूतो न निवर्त्तेय द्यूताय च रणाय च ॥ १३ ॥
शकुनिः—( दक्षिणं बाहुमुद्यम्य । )
हंहो हस्त कृताक्ष ! दानसलिलप्रक्षालित स्वस्ति ते
लोकेऽप्यक्षविचक्षणश्च शकुनिः स्वाङ्गेऽपि भक्तस्त्वयि ।
वीरे माननिधौ पराक्रमधने तद्भागिनेये मम
श्रीः पार्थप्रथमादपास्य भवता कार्या हि दुर्योधने ॥ १४ ॥
दुर्योधनः—सदार्य ! पणः क्रियताम् ।
युधिष्ठिरः—
हारोऽयं केरलस्त्रीविहसितशुचिभिः पङ्क्तिभिर्मौक्तिकानां
शुक्रेणैकार्क्षतीनां कृतसकलसभागर्भचन्द्रोदयश्रीः ।
आद्ये द्यूते पणो मे रजनिचरपतेर्जितो राजसूये
यश्चैतन्मध्यरत्नं द्युतयति ककुभः कौसुमीभिः प्रभाभिः ॥ १५॥
भीमः—भवतस्तु कः पणः ?
दुर्योधनः—
राजावलीक्रमायातो राजकोषः पणो मम ।
शकुन्तलाद्याभरणैर्यः पुनाति च पाति च ॥ १६ ॥
( उभौ क्रीडतः । )
शकुनिः—जितं जितं महाराजदुर्योधनेन । हंहो युधिष्ठिर ! हारि-
तो हारः ।
१ आकारास्पृहविधेयेन; स च सर्वैर्नराधिपः कामिनामनुकूलश्च.