कबीर सागर (11 भाग संपूर्ण)

( ४२ )

मुलतानबोध

अंत समय ये काम न आवैं । आपु चिन्हेतब जिव सुख पावैं॥
जहँ लगि जगमें दृष्टि दिखाहीं । सो सब विनशि जाय क्षणमाहीं॥
जतन करे बहुत सुख पावे । सो तन जले गडे मिटि जावे ॥
ऐसे कहि वजीर शिर नायौ । कैसे सुई संग ले जायौ ॥
समझि देखु अपने दिलमाहीं । सुई संग कौन विधि जाहीं ॥

मुलतान वचन

तब मुलतान वचन अस कहई । सुनो वजीर मता यक आहई॥
इतना लशकर संगलै जायब । हस्ती चार सो सुई भरायब ॥

वजीर वचन

हस्ती संग चले नहिं शाहा । खोजा करो तुम दिलके माहा॥
हस्ती घोडा माल खजाना । यह सब संग चले न निदाना ॥

मुलतान वचन

शाह तबै अस वचन सुनावे । बैठि सुखपालविहिश्तको जावे॥
लेवैं बाँस में सुई भरायी । यहि विधि सुई संग ममजायी॥

वजीर वचन

तब दिवान कर जोरि सुनावे । यह सुखपालकबर लगि जावे॥
आगे कस तुम करहु साई । सो मोहि वचन कहो समझाई॥

मुलतान वचन

आगे हम घोड चढ़ि जायब । लेइ जीन में सुई भरायब ॥
अहो दिवान एसेई करिहौ । ले दरवेश के आगे धरिहौ ॥

कबीर वचन

सुना दिवान तबै हसि दीना । दोइ कर जोरिके विन्ती कीना॥
दादा बाबा तुम्हरे रहैया । घोडे चढ़ि कोऊ ना गैया ॥
साखी-इतने में संग नहिं चले, मुनहु शाह चित लाय ॥
यह बज्रद दिन चार है, सो भी संग न जाय ॥