कबीर सागर (11 भाग संपूर्ण)

( १४२ )

लक्ष्मणबोध

बलभद्र सो कहा समझायी । अगली बात सब दर्द बुझायी ॥
बलभद्र तुम भक्त हमारा । तुमसे कहूँ मैं सत व्यवहारा ॥
हमरी सीख मानिकर लीजै । जो हम कहैं सोई अब कीजै ॥

बलभद्र वचन

कहै बलभद्र तुम साहब मेरा । हम तो जनम जनम का चेरा ॥
जो तुम कहो सोई मैं करिहों । मानि सिखापनशिरपर धरिहों ॥

श्रीकृष्ण वचन

जैसे कांचली सर्प तजाई । कांचलि रहे सर्प नहि भाई ॥
याते तनको देहु जलायी । याहिराखी कछु फल नहि आयी ॥
ठाट दहन तब तहवां भयऊ । जरत ठाठ फेफरा रहेऊ ॥
तब बोले अस गोविन्द राई । पेई एक तुम बेगि बनाई ॥
मट्टी धरो पेइके माई । सो पेई तुम देह बहाई ॥
पेई सोह उडीसा जायी । बौद्धावतार की मांड मडायी ॥
ठाकुर कहा सो बलभद्र कीना । एक पेई बनाय कर लीना ॥
ता पेई पर हीरा जड़िया । सो माटी पेई में धरिया ॥
समुद्र माहिं दई पेइ बहाई । सो पेई बहुत उडीसा जाई ॥
तब राजा को सपना भयऊ । सपना में तेहि बात यक कहेऊ ॥

कृष्ण वचन

राजा सीख हमारी लीजै । बुद्धावतार कि थापन कीजै ॥

राजा वचन

राजा कहै कौन हौ भाई । सो मोहि बात कहो समुझाई ॥

श्रीकृष्ण वचन

तब बोले सो गोविन्द राई । हम तो कृष्ण अहैं रे भाई ॥
द्रापर बाचा सम्पूर्ण भयऊ । ताते ठाट हमहुँ तजि दयऊ ॥

१ पेटी, बाकस, सन्दूक ।