कबीर सागर (11 भाग संपूर्ण)

( १९६ )

अमरमूल

साखी-राय बंकेजी चतुर्भुज, सहते जी हैरान ।
येहि छुड़ाय हरेक हीं, शब्द देहिं पहिचान ॥

चौपाई

यही छुड़ाय काल सों हंसा । शब्दहि दै कर हैं निःशंसा ॥
तुम धर्मदास ब्यालिसहि वंशा । ये निज आंहि पुरुषके अंशा॥
इन कहिये सौप दीन्ह जिवभारा । सब जीवनको करे उबारा ॥
इनही छोड़ अन्त चित लावै । जन्म जन्म सो भटका खावै॥
वंश ब्यालिस तुम्हरे सारा । और सकल सब छूठ पसारा ॥

साखी-नाम भेद जो जानही, सोई वंश हमार ।

नातर दुनियां बहुत ही, बूढ़ सुआ संसार ॥

चौपाई

धर्मदास मैं कहों बिचारी । यह विधि निबहै यह संसारी॥
काल कठिन है बहुत अपारा । जिन यह सृष्टि कीन्ह संहारा॥
ता कहैं कोइ न जाने भाई । कालहि सुमरण करहिं बनाई ॥
काल दुःख दे सबहि रुवावे । शब्द होय तहैं माथ नवावे ॥
नाम एक गुप्त है अमोला । सो धर्मनि मैं तुमसे खोला ॥
जो यह नाम को करे सम्हारा । सो भवसागर उतरे पारा ॥
तुम कहैं दीन्ह शब्द उपदेशा । सो हंसन कहैं कहौ सँदेशा ॥
ज्ञान प्रकाश जाहि घट होई । जीवन मुक्ति पावे जन सोई ॥

धर्मदास वचन-चौपाई

धर्मदास कहैं सुनिय गुसाई । जीवन मुक्ति कहो ससुझाई ॥
जीवन मुक्ति कहौ किमि जाना । लोक वेद कैसे पहिचाना ॥
सो मोसां यह कहिये भेदा । जिहँतें मनकी संशय छेदा ॥

सदगुरु वचन-चौपाई

कहैं कबीर सुनो धर्मदासू । वह निज भेद कहौ तुम पासू ॥
उग्र ज्ञान जाके घट होई । मुक्ति भेद कहैं पावै सोई ॥