गुप्त अभिलेख संग्रह (जे. एफ. फ्लीट - गुप्त सम्राटों एवं परवर्ती नरेशों के ऐतिहासिक पाषाण व ताम्रलेख)

Corpus Inscriptionum Indicarum, Vol. III

Plate XX: Khoh Plate of the Maharaja Sarvanatha — The Year 214

---

Header & Margins

• Top Header:
  Vol. III.
CORPUS INSCRIPTIONUM INDICARUM
Plate xx
Khoh Plate of the Maharaja Sarvanatha:—The Year 214
• Scale & Technical Credits (inverted on plate):
  • SCALE .75
  • W. GRIGGS, PHOTO-LITH.
  • J. F. FLEET BO. C.S.

---

First Plate (Lines 1–15)

ओं स्वस्ति [॥] उच्छकल्पात्सपादपद्मोपजीव्यानेकगोसहस्रहस्त्यश्वहिरण्यादिप्रदस्य महाराजौघदेव[स्तस्य पुत्रस्तत्पादानु]-
ध्यातो महादेव्यामोघदेव्यां समुत्पन्नो महाराजकुमारदेवस्तस्य पुत्रस्तत्पादानुध्यातो महा[देव्यां कुमारदे]-
व्यां जयस्वामिन्यां समुत्पन्नो महाराजजयस्वामि तस्य पुत्रस्तत्पादानुध्यातो महादेव्यां जय[स्वामिन्यां जयदेव्यां]
समुत्पन्नो महाराजव्याघ्रस्तस्य पुत्रस्तत्पादानुध्यातो महादेव्यां व्याघ्रदेव्यां समुत्पन्नो म[हाराजज]-
यनाथस्तस्य पुत्रस्तत्पादानुध्यातो महादेव्यां जयनार्थदेव्यां समुत्पन्नः परमभागवतो म[हाराजशर्व्वनाथः]
कुशल्यस्मिन्नेवाश्रमकविषयसम्बद्ध-व्याघ्रपल्लिकायां प्रतिवासिनः कुडुम्बिनः समा[ज्ञापयति विदि]-
तमस्तु वो यथैष ग्रामो मया मातापित्रोरात्मनश्च पुण्याप्यायनायात्रेव भगवत्याः पिष्टपुर्याः पु[ण्य]-
गन्धाक्षतधूपदीपमाल्यानुलेपनादिसन्ततोपयोगाय खण्डस्फुटित-संस्कार-करणाय चो[च्छ]-
कल्पकेय-विष्णुनान्दि-पौत्र-प्रियात्मज-शुक्रेणोत्सृष्टः पूर्व्वदत्त-भोग-भागेन यतोस्माभिरेत[स्य]
धर्मार्थमेवैतस्य ग्रामस्यायमुदकातिसर्गेणातिसृष्टः सोद्रङ्गः सोपरिकरः अचोरदण्डव[र्ज्यः]
पूर्व्वप्रत्यंश-वर्ज्जः अचाटभटप्रावेश्यः अनुचितकरविष्टिकर-वर्ज्जितः आचन्द्रार्क[क्षितिसम]-
कालीनः पुत्रपौत्रान्वयभोग्यः [॥] तदेवं ज्ञात्वा भवद्भिरेतस्य ग्रामस्यानुज्ञा-श्रवण-विधेयैर्भू[त्वा]
यथोचित-भोग-भाग-कर-हिरण्याद्युपनेयं [॥] भविष्यतश्च राज्ञः सम्बोधयति [।] तद्यथा [।] अस्म[त्कुल]-
जातानुवर्त्तिभिर्द्दान-रुचिभिः स्वपुण्य-यशः-प्रवर्द्धमानैरिदमनुमोदितव्यं परिपालयि[तव्यं च ॥]
यश्चास्य लोभादज्ञानाद्वा परिपन्थां कुर्य्यात्कारयेद्वा स पञ्चभिर्म्महापात कैरुपपातकैश्च [युक्तः स्यादिति ॥]

---

Second Plate (Lines 16–29)

उक्तञ्च महाभारते भगवता परमर्षिणा वेदव्यासेन व्यासेन [॥]
पूर्व्वदत्तां द्विजातिभ्यो यत्नाद्रक्ष युधिष्ठिर [।] महीं महिमतां श्रेष्ठ दानाच्छ्रेयोनुपालनं [॥]
बहुभिर्व्वसुधा भुक्ता राजभिः सगरादिभिः [।] यस्य यस्य यदा भूमिस्तस्य तस्य तदा फलं [॥]
षष्टिं वर्षसहस्राणि स्वर्गे मोदति भूमिदः [।] आच्छेत्ता चानुमन्ता च तान्येव नरके वसेत् [॥]
स्वदत्तां परदत्तां वा यो हरेत वसुन्धरां [।] स विष्ठायां कृमिर्भूत्वा पितृभिः सह पच्यते [॥]
विन्ध्याटवीष्वतोयासु शुष्ककोटरवासिनः [।] कृष्णाहयो हि जायन्ते भूमिदानं हरन्ति ये [॥]
अस्मत्कुल-समुत्थैस्तु भूपादैरपि यत्नतः [।] आचन्द्रार्कमयं धर्म्यः पालयितव्यो यशोर्त्थिभिः [॥]
संवत्सर-शते चतुर्द्दशोत्तरे द्विशते पौष-मास-शुक्ल-पक्ष-द्वितीयायाम् [॥]
संवत् २१० ४ पौष शु दि २ [॥]
दूतकोत्र महाबलाधिकृत-नागसिंहः [॥]
लिखितमिदं शासनं सन्धिविग्रहिकाक्षपटलाधिकृत-भोगिक-पुत्रेण
सन्धिविग्रहिकाक्षपटलाधिकृत-मनोरथेन [॥]
उत्कीर्ण्णं सूर्य्यदत्तेन [॥]
ओं नमः परदैवतेभ्यः [॥]