दत्तकमीमांसा (नन्दपण्डित - हिन्दू दत्तक-ग्रहण विधि एवं न्याय का आधारभूत ग्रन्थ)

[ ২২ ]

আজ্যহোমে বিনিয়োগঃ। ওঁ উদুত্তমং বরুণপাশমম্মদবাধমং
বিমধ্যমং শ্রথায় অথাবয়মাদিত্য ব্রতে তবানাগসো অদিতয়ে
স্যামঃ স্বাহা। ইদং বরুণায়। ৫। ততঃ স্রুবং প্রাশ্য আচম্য
পবিত্রেণ প্রোক্ষণীজলেন শিরঃপ্রভৃতিমার্জনং। সুমিত্রানাপ
ওষধয়ঃ সন্তু ইতি শিরসি ওঁ দুর্মিত্রানাপ ওষধয়ঃ সন্তু ইত্যধঃ।
ওঁ যোহস্মান্ দ্বেষ্টি যঞ্চ বয়ং দ্বিষ্ম ইতি মন্ত্রেণ প্রোক্ষণীপাত্রং
ন্যুব্জীকুৰ্য্যাৎ। ততঃস্তৃণক্রমেণ বর্হিরুক্ষণ্য ওঁ দেবাগাতু
বিদেগাতু যজ্ঞাগাতু মিত্তবনস্পতে ইদং বেদযজ্ঞং স্বাহা।
বাতেধা স্বাহা ইতি মন্ত্রেণ ঘৃতেনাভিঘিঘ্ৰ্যাগ্নৌ জুহুয়াৎ। ততঃ
পূর্ণহোমং কুৰ্য্যাৎ। অগ্নে ত্বং মৃড়নামাসীতি নাম স্মৃত্বা
ধ্যাত্বাবাহ্য গন্ধপুষ্পাদিভিঃ সংপূজ্য ফলতাম্বূলাদিসহিতং
ঘৃতপূরিতপাত্রং গৃহীত্বা যজমানসহিতং উত্থায় ওঁ মূর্দ্ধানন্দিবো
অরতিং পৃথিব্যা বৈশ্বানরমৃত আজাতমগ্নিং কবিং সম্রাজ-
মতিথিং জনানামাসন্নপাত্রং জনয়ন্ত দেবাঃ স্বাহা। ইদমগ্নয়ে।
ততো ব্রহ্মদক্ষিণাং পূর্ণপাত্রং তদভাবে পূর্ণপাত্রানুকূলভোজ্যং
ব্রহ্মণে দদ্যাৎ। যথা অদ্যেত্যাদি অমুকগোত্রঃ শ্রীঅমুক-
দেবশর্ম্মা অমুকগোত্রস্য শ্রীঅমুকদেবশর্ম্মণঃ সঙ্কল্পিতপুত্র-
প্রতিগ্রহাঙ্গহোমকর্ম্মণি ব্রহ্মকর্ম্মপ্রতিষ্ঠার্থং পূর্ণপাত্রং পূর্ণপাত্রা-
নুকূলভোজ্যং শ্রীবিষ্ণুদৈবতং অমুকগোত্রায় শ্রীঅমুকায় ব্রহ্মণে
তুভ্যমহং সম্প্রদদানি। ব্রহ্মণে দক্ষিণাং দত্ত্বা অগ্নে ত্বং সমুদ্রং
গচ্ছ। পৃথ্বী ত্বং শীতলা ভব ইত্যাদিকং বিসৃজ্য স্রুবালিপ্তভস্মনা
তিলকং দদ্যাৎ। ওঁ কশ্যপস্য ত্র্যায়ুষং ইতি ললাটে, ওঁ যদ্দে-
বানাং ত্র্যায়ুষং ইতি কণ্ঠে। ওঁ তচ্ছেস্ত ত্র্যায়ুষং ইতি স্ব[ধি/স্কন্ধে]
ওঁ তন্মেহস্ত ত্র্যায়ুষং ইতি বাহ্বোঃ। ততো দক্ষিণাং দদ্যা[ৎ]

.[ ২৩ ]

যথা। অদ্যেত্যাদি মৎসঙ্কল্পিত-পুত্র-প্রতিগ্রহাঙ্গহোমকর্ম্মণি
হোত্রাদিকর্ম্মপ্রতিষ্ঠার্থং ইমাং সবস্ত্রাং ধেনুং সুবর্ণং তন্মূল্যংবা
শ্রীবিষ্ণুদৈবতং অমুকগোত্রায় শ্রীঅমুকদেবশর্ম্মণে হোত্রে
তুভ্যমহং সংপ্রদদে ইত্যুৎসৃজ্য দদ্যাৎ। দক্ষিণায়াং বিশেষঃ।
ব্রাহ্মণো যথাশক্তি। রাজা তু অর্দ্ধরাজ্যোৎপন্নমেকবর্ষীয়-
ন্দ্রব্যং, বৈশ্যঃ সুবর্ণরজততাম্রাদীনাং ত্রিংশন্মাসব-পরি-
মিতাংশং। শূদ্রস্তু একবর্ষীয়ভৃতিলব্ধধনং। অশক্তাশ্চেৎ
সর্ব্বেঽপি যথাশক্তি দদ্যুঃ। ততঃ ব্রহ্মণে, আচার্য্যায়, সদ-
স্যায চ দক্ষিণাং দদ্যাৎ। ততো মূলদক্ষিণাং সুবর্ণং তন্মূল্যং
বা দদ্যাৎ। ততোঽচ্ছিদ্রাবধারণং কুর্য্যাৎ। ততো
বৈগুণ্যসমাধানার্থং বিষ্ণুং স্মরেৎ। ততঃ শান্ত্যাশীর্ব্বাদং
কৃত্বা নৃত্যগীতবাদ্যাদিভিরুৎসবং কৃত্বা গৃহং প্রবিশেৎ। ততো
ব্রাহ্মণান্ বন্ধূন্ জ্ঞাতীন্ ভোজয়েৎ। ইতি বৌধায়নোক্ত-
পুত্র-প্রতিগ্রহ-প্রয়োগবিধিঃ সমাপ্তঃ।