भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 97, कुल 423 में से
संदर्भ में पढ़ेंपृष्ठ 97
- ८३ -
माधुरीवल्लरीछन्नतुङ्गभूरुहशोभितम् ।
लतामन्दिरविश्रान्तनिकूजच्छुकसारिकम् ॥ ११ ॥
नृत्यन्मयूरनिवहं तापिच्छतरुशोभितम् ।
लवंगलतिकाच्छन्नकुञ्जव्यापिमहीरुहम् ॥ १२ ॥
कचित्कनकपत्राढ्यैः कचिन्नीलदलान्वितैः ।
कचित्कचिच्च सिन्दूररागरञ्जितपत्रकैः ॥ १३ ॥
कचिन्नीलदलैः कापि यावकोद्भासिपत्रकैः ।
कचिद्विचित्रपत्रैश्च भूरुहैः परिशोभितम् ॥ १४ ॥
वसन्तचित्रकारेण चित्रशालीकृतं यथा ।
अनेकरत्नकुलाभिः सरसोभिर्विराजितम् ॥ १५ ॥
फुल्लत्कमलिनीवृन्दजुष्टानेकसरोजलम् ।
कमलोत्पलसंसर्गिसौरभाञ्चितमारुतम् ॥ १६ ॥
अनेकवनसंशोभिरामकेलीरसास्पदम् ।
प्रमोदमानलोकाढ्यं प्रमोदवनमुत्तमम् ॥ १७ ॥
उज्जागरं प्रभाभोरेः सूर्येन्दुकोटिभासुरम् ।
यत्र सौगन्धिको नाम पर्वतः सुमहोन्नतः ॥ १८ ॥
सुगन्धजलसस्रावनिर्झरान्वितकन्दरः ।
सुगन्धभूरुहवृतः सुगन्धलतिकाञ्चितः ॥ १९ ॥
सुगन्धधातुप्रसवः सुगन्धरजसाञ्चितः ।
सुगन्धपाषाणतलनिषादिविहगव्रजः ॥ २० ॥
यत्र चोद्भाति सततं नाम्ना रत्नगिरिर्गिरिः ।
मणिमाणक्यरत्नौघमयूखगणसंवृतः ॥ २१ ॥
शिखरैर्गगनस्पृग्भिर्व्याप्नुवन् सकला दिशः ।
अधित्यकावनतरुनिषादिपिकनादितः ॥ २२ ॥
श्रीरामकेलीभवनकन्दरशतशोभितः ।
उपत्यकाशिलावेदिनिषण्णहरिणीकुलः ॥ २३ ॥
सदावर्तितरोमन्थमत्तशंवरशोभितः ।
भाभिर