भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 365, कुल 423 में से
संदर्भ में पढ़ेंपृष्ठ 365
- ३५२ -
निरन्तरोत्साहवद्भिर्नागरैर्विविधैर्जनैः ।
साम्यैरपिधृतानेकनगराचारकोविदैः ॥ २२ ॥
सदा मण्डयिष्यमाणं मण्ड्यमानं च मण्डितम् ।
गोपैश्च गोपिकाभिश्च नागरीभिर्निषेवितम् ॥ २३ ॥
अलङ्काराङ्गरागादिशृङ्गाररचनामयम् ।
वस्त्रभूषणवैविध्यविधिक्रान्तं गृहे गृहे ॥ २४ ॥
श्रीरामरमणीवृन्दकृतकन्दर्पकेलिकम् ।
मानप्रसादनोद्युक्तश्रीरामरमणान्वितम् ॥ २५ ॥
हरिनामाधारपरैर्वैष्णवैः प्रेमपालिभिः ।
सखीदूत्यादिविविधसमाचारनिरन्तरैः ॥ २६ ॥
सहजारामसंयोगरसास्वादपरायणैः ।
विप्रयोगरसस्वादपरितसैः क्वचित् क्वचित् ॥ २७ ॥
आकीर्णं रसिकैर्जीवैर्विशुद्धैर्नित्यनिर्गुणैः ।
सांसारिकजनोद्धारकरणापाङ्गभङ्गिभिः ॥ २८ ॥
मुग्धाप्रगल्भादिभेदकान्ताजनसमावृतम् ।
रामप्रेमसमाचारमाङ्गल्यवत्सलोत्तमम् ॥ २९ ॥
श्रीरामगुणसंश्रावपरायणसखीजनम् ।
स्वाधीनपतिकाश्रीमत्सहजानन्दिनीकृतैः ॥ ३० ॥
लीलाचरित्रकलनैरूद्धूतयशसाऽऽचितम् ।
आधिदैविककालोत्थसर्वदिव्यगुणान्वितम् ॥ ३१ ॥
श्रीरामप्रेमकीर्तिभ्यां मण्डितं प्रतिमन्दिरम् ।
विस्तीर्णपणविन्यस्तनवनिध्यधिकैरपि ॥ ३२ ॥
अनेकरूपसंचारिश्रीमद्दिव्यरमाश्रितम् ।
कोकिलामधुपाराववसन्तश्रीविराजितम् ॥ ३३ ॥
नृत्यन्मत्तमयूरश्रीशोभाप्रावृद्धनद्युति ।
श्रीरामरूपमाधुर्यसहजातनुकान्तिभिः ॥ ३४ ॥
एकतः प्रावृषाकारं परतः शरदान्वितम् ।
चकोरचञ्चुपुटकाचान्तरामेन्दुचन्द्रिकम् ॥ ३५ ॥
सर्वोत्तमगुणावास सर्वोत्तमशुभान्वितम् ।
सर्वोत्तमरसाभ्यक्तं महाभावविभावितम् ॥ ३६ ॥
हावभावकलामूल कुसुमाकरशोभितम् ।
सर्वनित्यपुरीवासं मथुरादिपुरीगणैः ॥ ३७ ॥