भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 302, कुल 423 में से
संदर्भ में पढ़ेंपृष्ठ 302
- २८९ -
मदाज्ञयैवाधुना त्वं निजां शक्तिं प्रसारय ।
वसुधां वसुभिः पूर्णां संकोचय बलादिमाम् ॥ ७ ॥
मणीनामाकरेष्वङ्ग सौवर्णेष्वाकरेषु च ।
कन्दरासु निधिस्थानेष्वनन्यश्रीप्रदायिषु ॥ ८ ॥
वनेषु च फलाढ्येषु रत्नशैलेषु भूरिषु ।
प्रत्यक्षलक्ष्मीस्थानेषु प्रसारय निजं बलम् ॥ ९ ॥
सरःसु पद्मपूर्णेषु परागौघसुगन्धिषु ।
राजहंसकलध्वानमनोहारिषु वीचिषु ॥ १० ॥
रत्ननिःश्रेणिकाशोभामण्डितेषु महत्सु च ।
समुद्रतुल्यरूपेषु दिव्यरत्नाकरेषु च ॥ ११ ॥
मुक्तामाणिक्यशोभाढ्येष्वनन्तगुणवत्सु च ।
देवाङ्गनादेवयानमानसादिषु भूरिशः ॥ १२ ॥
श्रीसंकोचकरं तेषु प्रसारय निजं बलम् ।
अग्निहोत्रेषु विप्राणां यज्ञस्थानेषु कोटिशः ॥ १३ ॥
प्रत्यक्षवह्निस्थानेषु धर्मकर्मालयेषु च ।
ब्रह्मादिषु च देवेषु रुद्रशक्रादिकेषु च ॥ १४ ॥
श्रीविद्यादिषु विद्यासु महाविद्यासु सर्वशः ।
चिन्तामणिपराढ्येषु मन्त्रेष्वद्वयवाचिषु ॥ १५ ॥
द्वयवात्रिषु चाग्र्येषु महासाम्राज्यदायिषु ।
नृसिंहे च हयग्रीवे श्रीमद्गोपालमन्त्रके ॥ १६ ॥
स्वयंलक्ष्म्याश्च मन्त्रेषु मन्त्रशक्तिबलासु च ।
स्वयं कामकलायां च बहुशक्तिषु वस्तुषु ॥ १७ ॥
स्वयंसिद्धेषु चार्थेषु रत्नभेषजवस्तुषु ।
गुटिकायक्षवेतालचेटकेषु च सर्वशः ॥ १८ ॥
महोषधिषु सर्वासु कल्पवृक्षादिशाखिषु ।
लतासु देवताख्यासु शिलासु दैवतात्मसु ॥ १९ ॥
प्रत्यक्षशक्तिसिद्धेषु पदार्थेष्वेषु भूरिषु ।
तिरोभावकरं कार्यं स्वसामर्थ्यं प्रसारय ॥ २० ॥
इति सम्मन्त्र्य कालेन रघूणां वल्लभो नृपः ।
यावत्ताम्बूलिकामस्मै ददाति निजपाणिना ॥ २१ ॥
रत्नाङ्गुलीयकगणैर्भूषितेनामितौजसा ।
यावद्विसर्जयेत्तं च कालं त्रैलोक्यभीषणम् ॥ २२ ॥
३७