भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 275, कुल 423 में से
संदर्भ में पढ़ेंपृष्ठ 275
- २६१ -
सप्तषष्टितमोऽध्यायः
श्रीशुक उवाच
इत्थं शिवस्य वचसा विज्ञाय परमार्थतः ।
स्वरूपं सहजेशान्या ननन्द खलु गोपिका ॥ १ ॥
सहजारामयोर्लीलां पश्यन्ती रसरञ्जिता ।
परमानन्दपाथोधिं विजगाह दिने दिने ॥ २ ॥
सौगन्धिकगिरौ रम्ये रत्नाद्रौ च मनोरमे ।
कन्दरासु च शृङ्गेषु दरीगह्वरवेश्मसु ॥ ३ ॥
कुञ्जेषु च निकुञ्जेषु सर्वर्तुसुखदायिषु ।
भूरुहेषु च वल्लीषु घनेषु विपिनेषु च ॥ ४ ॥
प्रासादशिखरेष्वेवं विमलादर्शवेश्मसु ।
आरामेषु मनोज्ञेषु चतुःशालविराजिषु ॥ ५ ॥
विप्रकृष्टेषु रम्येषु वनेषु विविधेषु च ।
लतापिहितवृक्षेषु गुल्मराजीघनाध्वसु ॥ ६ ॥
संनिकृष्टेषु का