भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)
Bhusundi Ramayana: Purva Khanda with Commentary
महर्षि भुशुण्डि (सम्पादक: डॉ. भगवतीप्रसाद सिंह) द्वारा
DevanagariHindipublished423 पृष्ठ
पृष्ठ 26, कुल 423 में से
संदर्भ में पढ़ेंपृष्ठ 26
- १२ -
रेवातीरे च गौतम्यास्तीरे सीमातटे तथा ।
काबेरीपुलिने कृष्णातटे गङ्गातटे तथा ॥ ३० ॥
यमुनायास्तटे चापि पुण्यशैलतटेषु च ।
चण्डीशं समुपासीनो देव्या चण्डिकया सह ॥ ३१ ॥
वेदाभ्यासं प्रकुर्वाणस्त्रैलोक्य भयदोऽसुरः ।
आजहार महायज्ञान् वहून सोऽध्वरदीक्षितः ॥ ३२ ॥
त्रैलोकयं तापयामास तपस्तेजोभिरुद्गतैः ।
लक्षवर्षाणि विषमं स तेपे दुश्चरं तपः ॥ ३३ ॥
शम्भुलब्धवरः प्रायः लङ्काराज्यं महोदयम् ।
त्रैलोक्यं करदीकृत्य जृम्भते राक्षसेश्वरः ॥ ३४ ॥
स याति हरसेवार्थं कैलासे नित्यमूर्ध्वगः ।
लङ्कायाः परतश्चापि देवी श्रीवरदेश्वरी ॥ ३५ ॥
सुवर्णपर्वते भाति तत्सेवार्थं च नित्यशः ।
प्रयाति लोकराज्येन्द्रो रावणो लोकरावणः ॥ ३६ ॥
कदाचिदलसोभूत्वा स इत्थं समचिन्तयत् ।
शंकर चाम्बिकां देवीमेकीकृत्य क्षणादुभौ ॥ ३७ ॥
स्वगृहे वासयिष्यामि बलादानीय पर्वतम् ।
इत्युक्त्वा सहसोत्थाय कैलासं शिखरं बली ॥ ३८ ॥
लङ्कामागन्तुमारेभे ततः क्रुद्धोऽभवद्धरः ।
किमेष गृहचालोऽद्य नन्दिन् हेतुर्विलोक्यताम् ॥ ३९ ॥
क्रुद्धं हरं समालोक्य नन्दी पर्यचलद्ध्यये १ ।
ततस्तयोः समभवत् संग्रामो भृशदारुणः ॥ ४० ॥
परस्परप्रजविनोर्नन्दिनो रावणस्य च ।
पाषाणैश्च तथोल्काभिर्वज्रपोतैश्च दारुणैः ॥ ४१ ॥
द्रुमैः शिलाभिः परिघैर्नानायुधनिपातनेः ।
मूर्द्धना वहन् गिरेः शृङ्गं रावणो युयुधे बली ॥ ४२ ॥
ततः पराजितो नन्दो रावणेन महौजसा ।
महाप्रहारिणा भूयो रणदुर्मदबाहुना ॥ ४३ ॥
भृशं निष्पीडितो नन्दी मूच्छितो न्यपतद्भुवि ।
पृथ्व्यां पतितं प्राह मिषन्तं नन्दिनं बली ॥ ४४ ॥
१. ह्यमिति वेगवाचकम् ।