भुशुण्डि रामायण (काकभुशुण्डि एवं गरुड़ संवाद - पूर्वखण्ड सविस्तार व्याख्या)

• १७१ -
  श्रीसहजोवाच
  सहजाहं प्रेमरूपा श्रीरामाद्धार्ङ्गरूपिणी ।
  प्रेम्णानेन तव प्रीता स्वात्मैक्यं दातुमुत्सहे ॥ ७६ ॥
  धन्यासि सुभगे देवि त्वं मद्रूपासि भाविनी ।
  मया सम्प्रीतया वत्से दत्तं स्वात्मैक्यमेव ते ॥ ७७ ॥
  अधुना सुभगेत्याख्या त्वामालम्ब्य भविष्यति ।
  या पूर्वं सुभगा नाम सुभगा सैव भामिनी ॥ ७८ ॥
  श्रीशुक उवाच
  इत्थं श्रीः स्वस्य माहात्म्यं दत्वा तस्यै कृपान्विता ।
  आगामिनि भवे सैव सुभगाख्या भविष्यति ॥ ७९ ॥
  एवं सुखितगोपोऽपि तथा माङ्गल्यका प्रसूः ।
  नित्ये धाम्नि स्वरूपेण तिष्ठतः सर्वदा प्रभोः ॥ ८० ॥
  परितुष्टः प्रभुस्ताभ्यां भक्त्यात्यन्तविशुद्धया ।
  दत्तवान् पितृदात्म्यं १देवहूत्यै कर्दमाय च ॥ ८१ ॥
  एवं सर्वोऽपि लीलाया नित्यः परिकरः किल ।
  आविर्भावतिरोभावैः क्रीडति प्रभुणा सह ॥ ८२ ॥
  इति श्रीमदादिरामायणे ब्रह्मभुशुण्डसंवादे पश्चिमखण्डे भरतलक्ष्मणीये
  श्रीशुकजनकसंवादे चतुष्पञ्चाशत्तमोऽध्यायः ॥ ५४ ॥
  ✤
  पञ्चपञ्चाशत्तमोऽध्यायः
  श्रीशुक उवाच
  प्रत्यक्चितिः परानन्दा सहजानामशब्दिता ।
  रामभक्तिः शुभगुणा न तां स्तोतुमहं क्षमः ॥ १ ॥
  अनेकनामरूपात्मा स्वानन्दरसकेलिनी ।
  चिन्मये परमे धाम्नि प्रमोदवनसंज्ञिनि ॥ २ ॥

---

१. पादेऽस्मिन्नक्षराधिक्यमार्षः ।