बौधायन श्रौतसूत्रम् (कृष्ण यजुर्वेद तैत्तिरीय शाखा - सम्पूर्ण प्रश्न एवं श्रौत-याग कल्प सटीक)

१८२ | बौधायनश्रौतसूत्रम् । | [ १४ । २७ । ]

अथ वै भवति राष्ट्रकामाय होतव्या इति ' राष्ट्रकामाय
होष्यन्नुपकल्पयते शम्यापरिधीन्नित्यं¹ वृथाग्निमुपसमाधाय श-
म्यापरिधीन्परिधाय निश्रायाꣳ शम्यापरिधौ द्विः स्वाहाकारꣳ
राष्ट्रभृतो जुहोत्याषाड्ढासेति ' राष्ट्रं वै राष्ट्रभृतो ' राष्ट्रे-
णैवास्मै राष्ट्रमवरुन्द्धे ' राष्ट्र्येव भवतीति ब्राह्मणमथ वै भव- ५
त्यात्मने होतव्या इत्यात्मने होष्यन्वृथाग्निमुपसमाधाय निश्रायाꣳ
शम्यापरिधौ द्विः स्वाहाकारꣳ राष्ट्रभृतो जुहोति ' राष्ट्रं वै
राष्ट्रभृतो ' राष्ट्रं प्रजा ' राष्ट्रं पशवो ' राष्ट्रं यच्छ्रेष्ठो भवति
राष्ट्रेणैव राष्ट्रमवरुन्द्धे ' वसिष्ठः समानानां भवतीति ब्राह्मण-
मथ वै भवति ग्रामकामाय होतव्या इति ' ग्रामकामाय १०
होष्यन्नधिदेवने वृथाग्निमुपसमाधाय निश्रायाꣳ शम्यापरिधौ
द्विः स्वाहाकारꣳ राष्ट्रभृतो जुहोति ' राष्ट्रं वै राष्ट्रभृतो '
राष्ट्रꣳ सजाता ' राष्ट्रेणैवास्मै राष्ट्रꣳ सजातानवरुन्द्धे ' ग्राम्येव
भवतीति ब्राह्मणमथ वै भवत्यधिदेवने जुहोत्यधिदेवन एवास्मै
सजातानवरुन्द्धे ' त एनमवरुद्धा उपतिष्ठन्त इति ब्राह्मणमथ १५
वै भवति रथमुख ओजस्कामस्य होतव्या इत्योजस्कामस्य²
होष्यन्नुपर्यग्नौ रथमुखं प्रगृह्य³ निश्रायाꣳ शम्यापरिधौ द्विः
स्वाहाकारꣳ राष्ट्रभृतो जुहोत्योजो वै राष्ट्रभृत ' ओजो रथ '
ओजसैवास्मा ओजो ऽवरुङ्ग्धे ' ओजस्व्येव भवतीति ब्राह्मणमथ

---

¹ Thus MGB ; शम्याःपरि० U Be.
² •कामाय MSS. exc. M.
³ परिगृह्य MSS. exc. M.