अणुभाष्य (महाप्रभु वल्लभाचार्य - शुद्धाद्वैत वेदान्त ब्रह्मसूत्र महाभाष्य प्रकाश टीका सहित)

द्विरुक्तस्तत्र नखगुणो विहितः । वदनं विधुश्चन्द्रः तस्य मयूखैः किरणैः । नेत्रतापं नेत्राभ्यां
दृष्टानामन्यथाकरणेन शब्दबलविचारकाणामस्माकं यो नेत्राभ्यां तापः तमीशः हृदि पादपद्मं
स्थापयन्नपनयत्वित्यर्थः । उपकारस्मरणेन पादसेवार्थमुक्तम् ॥ ७ ॥ इति
श्रीविठ्ठलेशपादान्जप्रसादवरलाभतः ।
रश्मिं प्रकाशे व्यतनोत्सत्चमकृतिमेश्वरः ॥ १ ॥
पौनःपुन्यं च रमसो भ्रमादिः क्रीडया कृतः ।
सोढव्यः कृपया सद्भिर्गूढत्वात्सेश्वरादपि ॥ २ ॥
प्रसङ्गः कृतकृत्यश्च हृदीश्वरश्च एव च ।
कृतार्थश्च प्रमाणज्ञस्तत्कृतिं ज्ञातुपेश्यत ॥ ३ ॥
एतेनास्मत्कुलपतिः श्रीगोपीजनवल्लभः ।
श्रीमदाचार्यवर्यश्च नित्यलीलास्थतज्जनः ॥ ४ ॥
प्रीतो भवतु ज्ञात्वा मामाचार्यकुलसम्भवम् ।
श्रीदामोदरजित्पुत्रौ द्वौ श्रीविठ्ठलरायजित् ॥ ५ ॥
श्रीगिरिधारिजित्चैव तत्पुत्रो (श्री)रघुनाथजित् ।
श्रीगोविन्दरायजित् तत्पुत्रो (श्री)विठ्ठलरायजित् ॥ ६ ॥
श्रीगोकुलोत्सवो भ्राता श्रीगोपेश्वरजिदहम् ।
तत्पुत्रस्तु प्रकाशेऽस्मिन्मश्मिं तु वितनोमि ह ॥ ७ ॥
इति श्रीविठ्ठलेश्वरैश्वर्यनिरस्तसमस्तान्तरायेण श्रीदामोदरजिद्भात्रीयेण
श्रीगोविन्दरायजित्पौत्रेण सम्पूर्णवेद्या विठ्ठलरायजिद्भात्रीय-
गोकुलोत्सवात्मजगोपेश्वरजिता कृते भाष्यप्रकाशस्य
रश्मौ चतुर्थाध्याये चतुर्थः पादः
सम्पूर्णतामगमत् ॥ ४ ॥ ४ ॥
समाप्तोयमध्यायः । समाप्तश्च रश्मिः । सेवानवसरे दैवीजीववाचनार्थमयं ग्रन्थः स्वयं गोपेश्वरेण
लिखितः श्रीगोवर्धननाथद्वारे । श्रीरस्तु । मिति चैत्रशुक्लत्रयोदशी । संवत् १८९७ । मङ्गलवारे । लेख-
कपाठकयोर्दीर्घायुः । मङ्गलमस्तु । एतावतो ग्रन्थस्य श्लोकसंख्या ८४२४ अष्टसहस्रचतुःशतचतुर्विंश ।
अध्यायचतुष्टयस्य श्लोकसंख्या ४२६६६ द्विचत्वारिंशत्सहस्रषट्शतषट्षष्टिः ।
श्रीकृष्णार्पणमस्तु.
१. ङ्गदुपश्यत इति पूर्वमासीत, पश्चादेवं संस्कृतं हस्ताक्षरेण ।