अणुभाष्य (महाप्रभु वल्लभाचार्य - शुद्धाद्वैत वेदान्त ब्रह्मसूत्र महाभाष्य प्रकाश टीका सहित)

९३६ श्रीमद्ब्रह्मसूत्राणुभाष्यम् । [अ० १ पा० ४ अ० ७ सू० १९]
भाष्यप्रकाशः।
तृतीयस्त्वभ्यन्तरान्मनसोऽपि भेदज्ञानजनने तत्र बाह्याः शब्दा मन्द्रतारादयस्ते श्रावण न
मनोभेदज्ञापकाः । शंखस्य शंखध्मस्य वा ग्रहणेन तु शब्दस्तत्कारणस्वान्तःकरणाद् भेदेन
ज्ञापकतया गृहीतो भवति । मुख्यप्राणसार्य शब्द इति । एवं संघाताद् भिन्नतया संघातेऽन्त-
रात्मज्ञाने उपायो मननात्मक उक्तः । तत्र कार्यलिङ्गमनुमानमात्मनि धियं निवेशयतीति
सिद्धम् । तत्रात्मकार्यविवक्षयैव इतः पूर्वमात्मज्ञाने सर्वज्ञानस्योक्तत्वादात्मा सर्वत्वेन वक्तव्यः ।
तत्र कयमात्मनः सर्वत्वमित्याकाङ्क्षायां तत एवोत्पन्नं सर्वं तत्रैव लीयत इति घटादेः पूर्वं
पश्चाच्च मृदिव सर्वस्यात्मेति बोधनाय, स यथा आर्द्रेधाग्नेरिति स यथा सर्वासामपामिति
कण्डिकाद्वयेनाह । तेन नैयायिकाद्यभिमतं निमित्तमात्रत्वं निराकृतम् । तथापि स्थितिवशायां
रश्मिः ।
गायत्रीमित्यङ्गानि जानीयाद्यो जानीते सोमृतत्वं च गच्छति अग्रे ओम्पूर्लक्ष्मीर्भूर्लक्ष्मीः सुवः
कालकर्णी तन्नो महालक्ष्मीति श्रुतिः अत्र ओं सुवः महालक्ष्मीत्यभेदेनोक्तिः । पद्मपुराणे चोत्तरखण्डे ।
'वृषभानुरिति ख्यातो गोपो ज्ञातिमत्तां वरः ।
तस्य पत्नी महाभागा नाम्ना सौभाग्यसुन्दरी ॥
तावुभौ ब्रह्मसावित्र्यो स्वांशेन जगतीं गतौ ।
तयोर्गेहे महालक्ष्मीः प्रादुर्भूता सुरेश्वरी ॥
अयोन्रिजा विशालाक्षी कृष्णस्रानन्दकारिणी ।
मासे भाद्रपदेऽष्टम्यां भौमे मूलर्क्षमण्डिते' ॥ इति ।
तस्य वाचकः प्रणव इति योगसूत्रम् । तस्यासङ्गपुरुषस्य । तथा चात्मग्राहके मनसि उक्तत्वा
आत्मवाचकः प्रणवः उक्तः । स प्राणपदार्थः । नामरूपकर्मत्वात् । कर्म च 'क्रिया सा राधिका देवी'
इति श्रुतिद्विवाक्यात् राधिका । ननु आकाशस्य शब्दो न प्राणस्य नामरूपकर्मरूपस्य श्रुतेस्तु
शब्दमूलत्वात् आकाशशरीरं ब्रह्म कार्यत्वेनाकाशसमन्वयाच्च । ननु स यथेत्यत्रापि श्रुतौ दर्शनात्
तच्चेत्यायाति तस्य संदर्भस्य कोर्थ इति चेच्छृणु तथात्रात्मबुभुत्सायां आत्मा प्राणभिन्नः प्राणकर्तृत्वात्
कुलालवत् ।
'आसीज्ज्ञानमयो ह्यर्थः केवलं निर्विकल्पितम् ।
वाङ्मनोगोचरातीतं द्विधा समभवद् बृहत् ।
तयोरेकतरो ह्यर्थः प्रकृतिः सोभयात्मिका' ॥ इति ।
एकादशस्कन्धसार्धश्लोकात् । सिद्धमाहुः एवमिति । संघातादिति सूक्ष्मदेहात्ममनसश्च ।
ननु सूक्ष्मदेहग्रहणेनैव मनोग्रहणात् । पृथङ्मनोग्रहणमपार्थमिति चेन्न श्रुतिप्रामाण्यात् सूक्ष्मदेहे
वक्तव्ये पञ्चदशग्रहणात् । तथा सकीचकैर्मास्तपूर्बैरन्ध्रैरित्यत्र न कीचकपदस्य मारुतपूर्णरन्ध्रत्व-
विशिष्टे वेणौ शक्तिः किं तु वेणावेवैवमत्रापि बाह्यपदस्य पञ्चदशके शक्तिर्न तु षोडशत्वविशिष्टे इति ।
मननेति दुन्दुभ्यादिदृष्टान्तत्रयेनात्मज्ञानोक्त्या दृष्टान्तावधारणमात्रेणात्मनोपि दृष्टान्तोक्तरीत्यानु-
चिन्तनरूपं मननं तदात्मक इत्यर्थः । 'अत्र मां मार्गयन्त्यद्धा युक्त्या हेतुभिरीश्वरम्' इति वाक्यादाहु-
स्तत्रेति । युक्तिस्तु कार्यलिङ्गिकानुमानम् । तच्च संघात आत्मवान् चेष्टावत्त्वादिति चेष्टाया आत्म-
कार्यत्वात् । कार्यादिति हेत्वर्था । तच्च कथमिति भाष्यं विवरीतुमाहुः तत्रात्मकार्येति
988