वेद स्वरूप विमर्श (स्वामी करपात्री जी महाराज - अपौरुषेय वेद-प्रामाण्य एवं वैदिक समन्वय)

कैश्चित्त—'अतप्ततनूर्न तदामोऽश्नुते दिवमि'ति रीत्या अतप्ततनोः
आमत्वात् परमात्मरूपाया दिवोऽप्राप्तिरिति तप्तशङ्खचक्रादिभिस्तनुतापो
वितन्यते । अन्यैस्तस्य आमत्वस्य निवृत्तये कृच्छ्रचान्द्रायणादिभिरात्मा
ताप्यते । परमन्यैश्च भगवद्विप्रयोगजन्यतीव्रतापानुभूत्यैव आमत्व-
निवृत्तिरिष्यते । न केवलमामतत्वमेव अपोद्यते, किन्तु भगवद्विप्रयोग-
जन्येन तीव्रेण तापेन स्थूल-सूक्ष्म-कारणात्मकशरीरत्रयस्य वापोऽत्यन्तं
बाधितो भवति । ध्यानप्राप्ताच्युताश्लेषोद्द्रिक्तरसपूरण-तत्संस्पर्शानुगुण-
दिव्यदेहेन्द्रियादिलाभश्च सम्पद्यते । परं दिव्यत्वापादकेषु सर्वेष्वेव
व्यापारेषु प्राकृतदेहादिसाधनानामुपयोगः सर्वेषामिष्टः, तदन्तरा तदनुप-
पत्तेः । यथा रसायनप्रक्रियया रसनिघर्षणेन गन्धकं रसत्वमापद्यते,
[L11